Aktualune Nevipya

Ulavipe e materiyalyengo vash laqaripe keripe e kherengo

  • 03/01/2019
  • By Romano Avazo
Share

PENJARIPE

Sar si pe informipe kotar o personaluno  Fb,  e dr.Fejza Kabashi,  kova si ini dreytori e Dirtektoriyatesko vash e Buti thay Socialuno Shukarhalovipe talo Prizrenosko Komunako Kher,  dela pe janipe:

Sar si pe bujetyuno planifikipe e Komunalune Direktoriyatesko vash e Buti thay Socialuno Shukarhalovipe, vash o bersh 2019 dikhlardilo yekh bujetyuno kodi e proyektesko vash ulavipe e materiyalyengo vash laqaripe keripe e kherengo, kova realizingyola sakova bersh.

Kotar akava bersh angluni ver realizingyola ini o renovipe e kherengo.

Akale proyekteya si te dengyol phiko sah e familiyengo kola si “qhorole” thay silen phare infrastrukturune khereske jivdipaski situaciya- khera kola si phurane thay rumime.

Odoleske khargyovena sa o interesime familiye vash te aplikinen e datatar 04.01.2019-31.01.2019

O aplikipe shay te keren ano komunako kher Prizren ani sportela gn.5.  

May buhle informaciye shay te aven thay te len ini ano Radio Romano Avazo.