Uncategorized

Votuinla o romengo deputeti e ano Kosovako Parlamenti

  • 17/10/2021
  • By Romano Avazo
Share

Deputeti ano Kosovako Parlamenti thay sheruno e partiako LRPK (Kosovaki Romani Anglipaski Phiravlin r. Erxhan Galushi votuinla ano poro votuipasko than ani funduni skola “Motrat Qiriazi”.

“Adive si yekh semno dive vash sah e komunitetyenge ano Prizreno. Sitov but semno thay but vasno vash e romane komuniteteske feri so akana simen te alosara ano lokalune alosaripya, feriso 20-21 bersh na sinemen niyekh asamblisti ani Prizrenoski Komuna vash o sebepi e tikne votenge gendosko.”, phenla o sheruno e partiako LPRK.

Deputeto e Kosovake Sombeshipesko, r.Galush kerla apeli thay rujinla sa e romen kay te iklon te votuinen thay o romano komuniteti te triumfinel yekh asamblisto kova ka reprezentinel, ka garavel e romenge interesya thay ka lobirinel vash yekh may shukarni pozicia e romane komuniteteski an Prizrenoski Komuna.

“Ajukarava kay te ovel so may baro gendo e jenengo kay ka votuinen, thay napal te phiren amare bukya sar amenge manga”, sine agorune alava e deputeteske Galushi.